De Präsident vun de Hamborgische Börgerschaft, Lutz Mohaupt, vergifft hüüt in’t Roothuus dat eerste Mol en Pries för Schoolkinners, de wat op Platt mookt hebbt.
Anschoben hett dat de Plattdüütschroot för Hamborg, in den Martina Gregersen för de GAL-Fraktion sitten deit. Tosomen mit den Vereen Plattdüütsch in Hamborg e.V. hett de Root den Pries utloovt, üm de Kinner in School oder Kita wedder an’t Plattdüütsche rantokriegen.
De GAL-Börgerschaftsafgeordnete Martina Gregersen seggt: „De Kinnners, de wi nu uttekent, hebbt sik all in de School mit dat Nedderdüütsche befoot. Un för dat, wat se mookt hebbt, kriegt se nu en Pries. Dat is ’n richtige Sook, un ik bün baff, mit wat för’n Begeisterung de jungen Lüüd Leders, Gedichten un Geschichten op Platt vördregen doot un plattdütsche Süuren in jümmere Stadtdeel seukt hebbt. Platt is en Deel vun uns Geschicht un Kultur. Un dorüm is dat wichtig, dat wi uns dorför insetten doot, dormit dat Nedderdüütsche ok in Hamburg nich utstarben deit.“